ब्लिचिंग पावडर नमूना घेण्याची पद्धत

पिण्याचे पाणी निर्जंतूक करण्यासाठी विरंजक चूर्णाचा वापर केला जातो. वापरल्या जाणा-या विरंजक चूर्णाचा दर्जा कमी पडल्यास शुदधीकरणासाठी वापरलेले प्रमाण अपूरे पडण्याची शक्यता असते.त्यासाठी वेळोवेळी विरंजक चूर्णाची तपासणी प्रयोगशाळेमध्ये करणे आवश्यक असते. बी.एस.आयने ठरवुन दिलेल्या क्रामंक 1 च्या विरंजक चूर्णामध्ये उपलब्ध क्लोरिनचे प्रमाण 35 टक्के तर क्रमांक 2 च्या विरंजक चूर्णामध्ये ते 33 टक्के असावे. असे निश्चित केले आहे.
विरंजक चूर्णाचा तपासणीसाठी अंदाजे 25 ग्रॅम नमुना प्लॅस्टिकच्या सिलबंद पिशवीतून,काचेच्या बाटलीतून पाठविणे जरुर आहे.